Heit Nacht war ich im Troom wieder emol drhom 

(Friejohr)

Im Hof hun die Kinner Ringelroaje getanzt.
Im Garte hot die Motter die Orgieni geplanzt.
Uf der Gass hot geblieht der Maistrauß
un die Akazibeem vorm Haus.

(Summer)

In de Gasse war’s heiß un verschloofe still.
Na vun irgendwoher zirbt e Grill.
Draus uf de Felder hot’s lustig geklunge,
do hun die Senser ihr Schnitterlied gsunge. 

(Herbst)  

De Altweiwersummer is dorch die Luft gezoge
un die Schwalme ware ach schun weiter gfloge.
Im Wingert hun die Reewe sieße Trauwe getrage
un durchs uffene Tor krächst e voller Kukruzwage.
Heit Nacht war ich im Troom wieder emol drhom. 

(Winter)

Uf unser Dorf falle lautlos große Schneeflocke.
In der warme Stub sitzt die Motter un stoppt Socke,
die Großmotter tot spinne,
der Großvatter Kalender lese,
im Pherdstall bind der Vatter aus Reisich Besme.
Es ist Weihnachte, grad war’s Christkindl do,
alle ware mer glücklich, zufriede un froh.
Unser scheene Weihnachtslieder hun mer gsunge
un vum Kirchturm heer hun die Glocke zur Mette geklunge.

Jetzt bin ich wach
Un’s Herz is meer schweer.
Wenn ich nur weder e kloones Kind wär.
Awer ich waas des is vorbei un aus.
Fremde Leit wohne jetzt in unsrem Haus.
Uns bleibt nur die Erinnerung un der Troom von drhom.
   
Eingeschickt von Mathias Possler, Verfasser unbekannt