Am 3. September hun sich bei arich scheenem Wedder phaar Neigässer Nochberschleit in Bühlerzell-Schönbronn im Naturhof Engeldorf, wo em Probst Matz sei Tochter, es Brunni, hin gheirat hot, getroff. Mit de Zaungäst ware mer so 30 Persone.

Leider hun einiche krankheitshalber net derbei sein kenne, awer es nächste Mol sinn se mit Sicherheit derbei. Meer hun uns all gfrait un unnerhall, vill vun frieher derhoom in Johrmark verzählt. Es Esse war gut, die Gegend arich scheen. Noo em Esse sinn meer in ere klooni Kapell gang, di wirklich scheen is, un hun gedankt vor Alles. Es ware gude Sänger unner uns, die Probste Wess Suus, es Margret, der Kronenberger Hans, meer hun Marienlieder gsung un uns an drhom erinnert, graad so als wäre meer uff Radna gang.
 
An dem Tach hadde dr Stefan Tierarzt un sei Fraa, es Anni, eere 50. Hochzetsjubiläum ghatt. A wann se nor Zaungäst ware, hun se doch de Brauttanz getanzt.

Korz um kann mr soon, dass des korzfristig Treffe gelung war, es hät schenner net sein kenne.

All ware meer uns ohnich im nächste Johr gebts nochmol e Treffe. Wer’s Gfiehl hot, aa zu der Nochberschaft zu kehre, oder sei Torephoste mol in dem Eck gstann hot, oder als Zaungast derbei sein will, is herzlich ingelaadt, mit zu mache.

Bis zum nächste Treffe!