Die Omi!
Von Franz Frombach

Es geht ihr besser, ganz gewiss, wie frieher im Banat.
Doch seit se ausgewannert is, sin ihr die Worzle abgeriss:
sie hot nor Homweh ghat.

In Deitschland bei de Enkelskinn hun ihr die Dorfleit gfehlt,
de Garte un die Nochberin.
Do war, was sie bis jetzt hot gsiehn, a reichi, kalti Welt.

Wohin soll sie do maje gehn? Sie schämt sich arich do:
sie kann die Leit so schlecht verstehn un leit-schich war se a geween,
un schwowisch angezoo.

De Kinn hot se des Glick gegönnt, ihr wars wie e beeser Trom,
der langsam Leib und Seel verbrennt,
wann sie nor wenigst kreische kennt oder sterwe kennt derhom.

Dort mecht sie dann a ufgebahrt sein wie in alter Zeit,
un alle Freinde um sie gschart soll dann bei ihrer letzter Fahrt
es Kerchhofglöckche leite.

Sie is net gstorb in ehrem Bett in Johrmark, im Banat,
un es Glöckche leit ihr net...
der Herrgott hot beim letzte Gebet ganz staadche Amen gsaat.
Die Omi ist jetzt vun uns gang, hot alles iwerwunn,
des Herz, des was schun johrelang so traurich war und homwehkrank,
hot endlich Friede fun.